Artêşa Tirkiyê û çeteyên wê dîsa bajarokê Zirgana Sûriyê topbaran kir
Artêşa Tirkiyê û grûpên terorîst ên ser bi wê, cardin bajarokê Zirganê li bakurê Hesekê ya Sûriyê topbaran kirin.
Li gorî jêderên xwecihî, heta derengiya şeva derbasbûyî, gundê Xidrawî û gundewarên bajarokê Zirganê dihat topbarankirin. Derbarê ziyanan heta niha ti agahî nehatine bidestxistin.
Hevserokê Encûmena cîbicîkar ya teşîlata ser navê Rêveberiya Xweser Ebid Mihbaş ji medya nêzîkî vê teşkîlatê re got ku divê welatên gerentor, Rûsiya û Amerîka bi rola xwe rabin û êrîşên Tirkiyê li ser deverên Bakur û Rojhilatê Sûriyê rawestînin.
Di rojên 21 û 22 vê mehê de artêşa Tirkiyê û çeteyên wê bajarokê Zirganê û gundewarên Til Temir bi dijwarî topbaran kirin û şer li çend gundan derketibû, di encam de 4 kesên sivîl cane xwe jidest dan û 14 kesên din birîndar bûbûn.
