Di salvegera rizgarkirina Tebqayê de; Welatî: Sûcên dewleta Tirkiyê rawestînin
Saziyên Civaka Sivîl a herêma Tebqayê bi boneya salvegera 4`emîn a rizgarkirina Tebqayê daxuyaniyek da, tê de banga rawestandina sûcên dewleta Tirkiyê li dijî gelê Sûriyê kir.
Li gorî nûçeya Hawar Newsê (ANHA), Daxuyanî li pêşiya navneda Saziyên Civaka Sivîl a li Tebqayê hate dayîn û ji aliyê endamê rêveberiya Saziyên Civaka Sivîl Mîlad Farias ve hate xwendin. Hejmarek endamên yekitiyên girêdayî Saziyên Civaka Sivîl beşdarê bûn.
Di destpêka daxuyaniyê de rizgarkirina Tebqayê li gelê wê û hemû gelê Bakur û Rojhilatê Sûriyê hate pîrozkirin û wiha hate gotin: “Tebqa bi saya fedekariyên hêzên me, hêzên Sûriya Demokratîk hate rizgarkirin.”
Her wiha bang li civaka navneteweyî hate kirin ku dewleta Tirkiyê neçarî pêkanîna qanûna navneteweyî bikin û zextê lê bikin da ku şerê xwe li dijî gelê Sûriyê rawestîne, para gel ji ava çemê Firatê li gorî peymanên hatine îmzekirin berde.
