Li Bakur û Rojhilatê Sûriyê 155 kesên din bi Koronayê ketin
Desteya Tenduristiya ya Desthilata Bakur û Rojhilatê Sûriyê ragihand ku 155 kesên din bi vîrusa koronayê (Covid-19) ketine û 8 kesan jî jiyana xwe ji dest daye.
Hevserokê Desteya Tenduristiyê ya Desthilata Bakur û Rojhilatê Sûriyê Dr. Ciwan Mistefa diyar kir ku kesên ji ber vîrusê jiyana xwe ji dest daye, 2 mêr ji Qamişlo, mêrek ji Girkê Legê , mêrek ji Amûdê, 2 jin ji Hesekê, jinek û mêrek ji Minbicê ne.
Mistefa diyar kir ku li Bakur û Rojhilatê Sûriyê 155 kesên din bi vîrusê ketine, ji wan 93 mêr in û 62 jin in û li van herêman in:
Hesekê: 42
Qamişlo: 37
Dêrik: 9
Dirbêsiyê: 3
Rimêlan: 1
Girkê Legê: 1
Amûdê: 6
Reqa: 19
Dêrazor: 26
Şehba: 2
Kampa Roj: 6
Kampa Holê: 2
Kampa Newroz: 1
Mistefa her wiha diyar kir ku 20 kesên ku berê bi koronayê ketibûn, baş bûne.
Bi van daneyan re, li Bakur û Rojhilatê Sûriyê heta niha 14 hezar û 436 kes bi koronayê ketine, ji wan 477 kesan jiyana xwe ji dest daye û hezar û 476 kes jî baş bûne.
