Rêxistina UNICEF bang li hemû welatên ku welatiyên wan li kampa Holê hene kir, xwedî li welatiyên xwe derkevin.

Rêveberê UNICEFê yê Rojhilata Navîn û Bakurê Afrîkayê Ted Chaiban da xuyakirin ku li kampa Holê li parêzgeha Hesekê ya devera kurdî ya Sûriyê zêdetirî 22 hezar zarokên biyanî hene û bi metirsiyeke mezin re rû bi rû ne.

Li gorî Ted Chaiban, divê NY hewl bide ku wan zarokan bi ewlehî vegerîne welatên wan.

Li Kampa Holê gelek bûyerên kuştin û serjêkirinê rû didin, şeva Şemiya borî jî jinekê tevî 3 zarokan ji ber derketina şewatekê jiyana xwe ji dest dabûn û gelek kes jî birîndar bibûn.