SAHAR

Di encama teqîna motorsîklêtekê de li bajarokê El-Besîra yê li rojhilatê Dêrazorê de, gelek sivîl birîndar bûn.

Li gorî rapora ajansa nûçeyan a Hawar Newsê (ANHA), Li gorî agahiyên ku ji herêmê hatine bidestxistin, vê sibê li sûka bajarokê El-Besîra yê gundewarên rojhilatê Dêrazorê motorsîklêtek teqiya.

Li gorî agahiyan gelek windahî di nava sivîlan de hene lê hejmara wan nehat zanîn.

Şaneyên çeteyên DAIŞ`ê li gundewarên Dêrazorê çalak in û êrişan li dijî sivîlan pêk tînin.

Çeteyan beriya demekê gefa kuştinê li sivîlan xwar. Şêniyên bajarokê El-Şehîl ê Dêrazorê seriyê jêkirî yê kesekî nenas dît ku li ser kaxiza pê re çeteyên DAIŞ`ê gefa kuştinê li şêniyan dixwin.