Şêniyên bajarokê El-Şihêl ê rojhilatê Dêrazorê vê sibehê serê kesekî nenas jêkirî dîtin û li bin wê pankertek hebû û tê de gef li şêniyan hatin xwarin.

Li gorî rapora ajansa Hawar Newsê (ANHA), Piştî têkçûna DAIŞ`ê, şaneyên çeteyên DAIŞ`ê li gundewarê Dêrazorê çalak dibin, sivîlan û serokeşîrên Ereban dikujin.

Vê sibehê şêniyên bajarokê El-Şihêl serî kesekî nenas jêkirî dîtin û pê re pankertek hebû û gef li şêniyan hatin xwarin.

Hêzên Sûriya Demokratîk (QSD) û Hêzên Ewlekariya Hundirîn di 4`ê Sibatê de li gundewarê Dêrazorê û heta sînorên Iraqê li dijî şaneyên DAIŞ`ê operasyoneke berfireh dabû destpêkirin û di encamê de gelek çete hatibûn girtin.