24ê Cotmehê; Li Bakur û Rojhilatê Sûriyê 238 kesên din bi koronayê ketin
Desteya Tenduristiyê ya Bakur û Rojhilatê Sûriyê ragihand ku 238 kesên din bi koronayê ketine.
Li gorî rapora ajansa nûçeyan a Hawar Newsê (ANHA), 'Desteya Tenduristiyê ya Rêveberiya Xweser a Bakur û Rojhilatê Sûriyê' ragihand ku 5 kesên din ku bi koronayê ketibûn jiyana xwe ji dest dan.
Hevserokê Desteya Tenduristiyê ya Rêveberiya Xweser a Bakur û Rojhilatê Sûriyê Ciwan Mistefa diyar kir ku kesên mirine jinek û mêrek ji Hesekê ne, jinek din û mêrek ji Minbicê ye û mêrek ji Dêrikê ye.
Mistefa diyar kir ku 238 kesên din bi koronayê ketine ji nav wan 135 mêr in û 103 jin in û li van herêman in:
Hesekê: 18
Qamişlo: 21
Dêrik: 31
Girkê Legê: 10
Rimêlan: 1
Amûdê: 3
Dirbêsiyê: 4
Kobanê: 44
Reqa: 44
Minbic: 27
Tebqa: 26
Dêrazor: 9
Mistefa da zanîn ku ji nav nexweşiyên koronayê 7 kes baş bûne
Bi van daneyan hejmara giştî pêketiyên koronayê (Covid_19) gihîşt 3 hezar û 625 kes, jê 109 kes jiyana xwe ji dest da û 665 kes baş bûne.
