Di encama êrişa bi çekan li gundê Enazê ser bi navçeya Nesarî ku ketîye rojavayê parêzgeha Hums a li Sûriyê sê ciwanên xiristiyan hatin kuştin û çend kes jî birîndar bûn.

 Ev êrişa bi çekan, ku roja Çarşemê şevê pêk hat, rastî pêleke hêrsbûna giştî, kombûnên protestoyî û greva seranserî hat. Bi sedan kes ji gundên derdorê li ber nexweşxaneya Hosnê kom bûn û daxwaza cezakirina sebebkarên vê cinayetê kirin. Çalakvanên mafên mirovan li Sûriyê, bi hişyarîdayîna derbarê dewama vê rewşê da, daxwaza pêngava demlidest bona rawestandina şîdetan, xurtkirina saziyên sivîl û ewlehiyê û destpêkirina pêvajoya edaleta veguhêz li Sûriyê kirine.