Ragihandina kabîna nû ya Sûrîyê û beşdarnekirina kurdan
Serkirdeyê Koma HTŞê di merasimekê da pêkaîna khikûmet û kabîna nû ya Sûrêyl bi serokatîya wî xwe ragihand.
Colanî di nihyara sîyasî ya nû ya Sûrîyê da posta Serokwezîrtîyê rakirîye û xwe him serokomar e û him jî serokwezîr. Ew xwe serokê kabînê ye û pirranîya wezîran jî serokên berê yên komên selefî ne û pirranîya etnîk, bere û mezheban ji wan komên lîberal di vê kabînê da wekîlê xwe tinene.
Mijara balkêş gazînekirina kurdên Sûrîyê ji bo beşdarîya di kabîna nû ya vî welatî da ye. Rojnama Şerq ul Ewsetê jî ragihand ku kurd ji ber prosa pêkanîna hikûmeta nû ya Sûrîyê ku ti posteke wan tê da tineye û hatine dûrxistin, bêhêvî bûne. Kurd duyemîn pêkhate li Sûrîyê ye û wan di salên vê dawîyê da roleke zef girîng di şerê dijî DAIŞê li Sûrîyê da hebûne. Lê vê dawîyê û hevgavê kuştuna elewîyan bi destê hêzên Cilanî li parêzgehên perrava Sûrîyê, rêkevtinameyek di navbera Colanî û Mezlûm Ebdê Serfermandarê HSDê da hat wajokirin.
Beşdarnekirina kurdên Sûrîyê di kabîna nû ya vî wealtî da bû sedema nerazîbûna alîyên kurd ên vî welatî. Gellek çavdêr dibêjin ku çima Serfermandarê HSDê di germegerma zextên ser Colanî yên ji ber qirrkirina elewîyan da rêkevtinameyek an ya baş ew e ku em bêjin teslîmnameyeke heştxalî wajo kir. Wê demê çavdêrên meseleyên Sûrîyê gotin ku wajokirina ewê rêkevtinameyê di encama zexta bîyanîyan û bi merema kêmkirina zexta ser Colanî û hêzên wî bûye.
Pirranîya welatan hê bertekeke fermî himber avakirina hikûmeta Sûrîyê nîşan nedane û tenê Erebistanê vî karî pêşwazî kirîye, lê beşdarnekirina komên curbicur ên etnîkî di kabîna nû ya Sûrîyê da siberoja vî welatî pêrgî gellek nezelalîyan kirîye.
