Li Bakur û Rojhilatê Sûriyê 43 kesên din bi Koronayê ketine
Desteya Tenduristiyê ya Desthilata bakur û Rojhilatê Sûriyê ragihand ku li Bakur û Rojhilatê Sûriyê 43 kesên din bi covid-19 ketine û 2 kesan ji ber Koronayê jiyana xwe ji dest daye.
Hevserokê Desteya Tenduristiyê ya Desthilata bakur û Rojhilatê Sûriyê Dr. Ciwan Mistefa diyar kir ku li herêmê 2 kesên ku bi koronayê jiyana xwe ji dest dane, jinek ji Hesekê û mêrek ji Qamişloyê ne.
Mistefa diyar kir ku li herêmên Bakur û Rojhilatê Sûriyê 43 kesên din bi Koronayê ketine ew jî 20 mêr û 23 jin in û li van herêman in:
Hesekê: 17
Qamişlo: 10
Dêrik: 6
Amûdê: 1
Dirbêsiyê: 5
Reqa: 2
Minbic: 1
Kampa Holê: 1
Mistefa destnîşan kir ku 4 kesên ku berê bi Koronayê ketibûne, baş bûne.
Bi van daneya re, li Bakur û Rojhilatê Sûriyê heta niha 17 hezar û 88 kes bi Koronayê ketine, ji wan 702 kesî jiyana xwe ji dest daye û hezar û 755 kes baş bûne.
