Wezîrê karên derve yê Almanyayê Heiko Maas tekez kir ku divê Yewnanistan û dewleta Tirkiyê keştiyên xwe ji rojhilatê Deryaya Spî bikişînin.

Wezîrê karên derve yê Almanyayê got: "Divê ji aliyê her du dewletan ve amadekarî hebin ku bi hev re diyalogê bikin. Em hêvî dikin ku di dawiya vê mehê de rewş aram bibe."  

Maas wiha lê zêde kir: "Ger keştiyên ku li rojhilatê Deryaya Spî ne, ji her du aliyan ve hatin kişandin, deriyê guftûgoyan di navbera wan de wê vekirî bimîne û eger di guftûgoyan de tu provokasyon pêk nehatin, ev dê bibe tekane rêya çareseriyê."