Kuştina 900 leşkerên siyonîst li Xezzeyê, 31 milyar dolar kêmasiya bûdceya Tel Avîvê
Artêşa Rejîma Siyonîst ji destpêka şerê Xezzeyê ve 898 leşkerên xwe ji dest dane û dirêjbûna vî şerî bûye sebeb ku 31.5 milyar dolar budca vê rejîmê kêm were.
Ajansa nûçeyan a Şehab a Filistînê bala xwe daye ser kuştî û ziyanên mirovî û madî yên artêşa Rejîma Siyonîst di encama şerê Xezzeyê da û nivîsiye ku li gorî amarên fermî yên artêşa vê rejîmê, ji 7ê Cotmeha 2023an vir ve 898 leşker û efserên artêşa Rejîma Siyonîst li Xezzeyê hatine kuştin, ku ji vê hejmarê 454 kes di encama operasyonên bejayî li Xezzeyê de hatine kuştin.
Her wiha amarên fermî yên rejîma siyonîst nîşan didin ku nêzîkî 6 hezar û 193 leşker li Xezzeyê birîndar bûne ku ji vê hejmarê 924 kes bi giranî birîndar bûne û 2 hezar û 872 kes jî ji destpêka operasyonên bejayî ve birîndar bûne.
Di daneyên artêşê de, hejmara rast a birîndarên leşkeran an jî birînên sivik û her weha pirsgirêkên derûnî di encama vî şerî de tên sansûrkirin.
Rapor nîşan didin ku di şêr de 42 leşker û efserên payebilind ên artêşa Rejîma Siyonîst xwe kuştine, ku ev yek nîşana zexta psîkolojîk a giran ser leşkerên siyonîst di vî şerî de ye.
Eva di demekê de ye ku zêdetirî 10 hezar leşkerên siyonîst ji ber pirsgirêkên rewanî û mejiyê êşê dikişînin.
Li gorî nûçeyek din, Seraya Quds, baskê leşkerî yê tevgera Cîhada Îslamî ya Filistînê, ragihand ku wan li rojhilatê bajarê Xezzeyê xwefireke artêşa Rejîma Siyonîst li rojhilatê Xezzeyê xistien bin kontrola xwe.
Di heman demê de, Tabûrên Qessam wêneyên operasyona dijî leşkerên dagirker belav kiriye.
Têkoşerên berxwedanê leşkerên siyonîst li Xezzeyê asê kirine û bi kemînên hevpar û operasyona ji nêzîk ve derbên giran li dagirkeran dixin.
