Li Erebistana cezaya 30 sal zîndanê li nerazîyekî hat birrîn
Dadgeha Erebistanê ji mamostayekî vî welatî ra bi hegera zincîretwîtên bi naveroka nerazîbûna himberî hikûmetê, cezaya 30 sal zîndanê birrî.
Turkî Şelhûb nivîskar û rojnmevanê erebistanî ku berî vîya plana Mihemed Bin Selman Paşmîrê vî welatî têkildarî Çîyayê Uhudê aşkira kiribû, ragihand ku ji mamostayekî zanîngeha Um ul Qorayê ra cezaya zîndanê hat birrîn.
Şelhûb nivîsî: Dadgeha Teftîşa Bawerîyan a Erebistanê ji Mihemed Bin Muhsin Basire mamosteyê çiqa medyayê yê Zannîgeha Um ul Qorayê ra bi hegera rexnekirina hikûmetê cezaya 30 sal zîndanê birrî.
Mihemed Bin Muhsin Basire li twîterê xebata Şebekeya Al Arabiye’yê, boykotkirina Qeterê û rewşa emnî ya welêt rexne kiribûn.
Rayedarên dadwerîya Erebistanê hikmên têkildarî çalakan û girtîyên sîyasî û bawerîyê tund kirine.
Rêxistina Mafên Merivan a Zoyna’yê raporek têkildarî meseleyên girtîyên sîyasî û bawerîyê ji wan çalak, sîyasetvan, mafnas, xwendekar û mamosteyên zanîngehan û çîn û qatên din ên Erebistanê weşand û ragihand ku hikmên giran ên zîndan û sêdaredanê ji bo wan kesan hatine birrîn.
