Gelê Behreynê roja Yekşemiyê bi nîşana nerazîtiya li hemberî asayîkirina peywendiyan navbera Mename û Til Avîvê derket nav kolanan û li dijî Rejîma Siyonîst xwenîşandan li dar xist.

Xwenîşandana berfireh ji aliyê gelê Behreynê li payexta vî welatî, yekem roja rêûrisma cejna siyonîstan [Hanûka] betal kir.

Hanûka (Hanukkah) an jî Henûka cejneke cihûyan e û bi qasî heşt rojan hema bêje hevdem digel dem û rojên Cejna Krîsmesa xirîstiyaniyan tê lidarxistin.

Her wiha niştecihên Taxa El-Meqşe'yê li rojavayê Menameya paytexta Yemenê li dijî asayîkirina peywendiyan û cejna Henûkayê derketin nav kolanan.

Niştecihên Girava Sitreyê jî tevî hebûna hêzên polîs bi lidarxistina meşekê, hin dirûşme li dijî rejîma Israyîlê ya dagirker û lidarxistina vê cejnê ji aliyê bajaroknişînên siyonîst li Menameyê bilind kirin.

Rayedarên Behreyn û Rejîma Siyonîst di Îlona 2020î da bi amadebûna Donald Trump, serokkomarê Amerîkayê yê berê li Koşka Sipî, lihevkirinnameya asayîkirina peywendiyan wajo kir.