Nûnerê NY: Tu lihevkirinek ji bo dirêjkirina agirbesê li Yemenê pêk nehatiye
Şandiyê taybet ê Sekreterê gişt ê Rêxistina Neteweyên Yekbûyî li karûbarên Yemenê bi gotna vê yekê ku tu lihevkirinek ji bo dirêjkirina agirbesê pêk nehatiye, got: Ez ê gotûbêja digel hemî aliyên pevçûnê li Yemenê ji bo bidestxistina lihevkirineke bilez bidomînim.
Hans Grûndbêrg, Şandiyê taybet ê Sekreterê gişt ê Rêxistina Neteweyên Yekbûyî li karûbarên Yemenê got: Agirbesa berdewam dikare gelek feydeyan ji bo niştecihan dabîn bike û ew ê hewildanên xwe digel hemî aliyan ji bo peydakirina rêkarê bidomîne.
Dirêjnekirina agirbesê di rewşekê da ye ku Muhemed Ebdulselam serokê taxima gotûbêjker a Yemenê hin nûçeyên medyayan derbarê dirêjkirina agirbesê nedurist zanî.
Taxima gotûbêjker a Dewleta Rizgariya Neteweyî ya Yemenê êvara Şemiyê bi daxuyaniyekê ragihand ku Hevpeymaniya Siûdî li dû aştiya li Yemenê nîne.
Di daxuyaniya vê taximê da hatiye: Yemen di heyama agirbesê da derheqê binpêkirinên berdewam ser hemdê xwe ma da ku derfeteke zêdetir bo hewildanên NY û welatên din raber bike.
Pêştir Mehdî Meşat Serokê Konseya Bilind a Siyasî ya Yemenê gotibû ku agirbesa Yemenê ji ber binpêkirinên wê yên berdewam ji aliyê Hevpeymaniya Siûdî va hema bêje ji holê rabûye.
