Di navbera hêzên artêşa Iraqê û Yekîneyên Berevanên Şingalê (YBŞ) da şerekî giran derket.

Ligorî agahîyên ji mêdyayên Herêma Kurdistanê hatine wergirtinê, artêşa Iraqê şeva buhurî hejmareke zêde ya hêz û alavên leşkerî yên giran şandin devera Şingalê li bakura parêzgeha Nêynewayê û pevçûnên giran di navbera hêzên artêşa Iraqê û YBŞ da qewimîne.

Ligorî agahîyan, pevçûn giran bûne û pirranî jî li devera Bab Şilo li rojavaya Şingalê qewimîne û YBŞ hatin û çûyîna hêzên artêşa Iraqê li hemî deverên di bin kontrola xwe da qedexe kirine.

Ligorî agahîyan, artêşa Iraqê berî vîya amadekarîyên pêwîst jibo vî şerî kirine û di 26ê Nîsanê da gellek tank û alavên leşkerî tev hejmareke zêde ya leşkeran şandine vê herêmê.

Di çend roj û hefteyên buhurî da çend caran pevçûn di navbera YBŞ û artêşa Iraqê da qiwîmye.