Ji ber bombebarana artêşa Tirkiyê ya devera Biradostê şewat derket
Helîkopterên dewleta Tirkiyê careke din devera Biradostê ya Herêma Kurdistanê bombebaran kir. Ji ber bombebaranê agir girte rez û baxçeyên şêniyên gundên herêmê.
Helîkopterên dewleta Tirkiyê şeva borî herêma Biradostê ya ser bi Hewlêrê bombebaran kir.
Ji ber bombebarana helîkopterên dewleta Tirkiyê agir girte rez û baxçeyên şêniyên gundên herêma Biradost. Ji ber şewatê ziyan gihîşt çandinî û jîngeha herêmê.
Herwiha îro piştî nîvro balafirên şer ên dewleta Tirkiyê bi dijwarî çiyayê Goşîn ê herêma Biradost bombebraran kir.
Eva gelek wexte ku Dewleta Tirkiyê bi heceta hebûna PKKê deverên curbicur li Herêma Kurdistanê ya Iraqê bi balafir û helîkopteran bombebaran û ji erdê jî topbaran dike ku piranî xelkê sivîl ê navçê dibin gorî û ziyan digihêje wan.
