Serokwezîrê Iraqê gihîşt Hewlêrê
Serokwezîrê Iraqê ‘Mihemed Şîya Sûdanî’ gihîşt Hewlêrê û ji hêla Serokwezîrê Herêma Kurdistanê ‘Mesrûr Barzanî’ va hat pêşwazîkirin.
Serokwezîrê Iraqê ‘Mihemed Şîya Sûdanî’ îro piştî nîvro digel desteyeke pillebilind a hikûmî gihîşt balafirgeha Hewlêrê û ji hêla Serokwezîrê Herêma Kurdistanê ‘Mesrûr Barzanî’ va hat pêşwazîkirin.
Serokwezîrê Iraqê yê di vê seredanê da bi Serokwezîr û Serokê Herêma Kurdistanê ra bicive û her du alî yê mijarên girîng ên di navbera Hewlêr û Bexdayê da hilkolînin.
Sibê û dusbe yê Dîdara Silêmanîyê bi durişma ‘’Piştî 20 salan Iraq û Herêma Kurdistanê li navenda hevkêşîyên cîhanî yên nû da’’ li şarê Silêmanîyê were lidarxistin û Serokwezîrê Iraqê ‘Mihemed Şîya Sûdanî’ jî bi merema pişkdarîya di wê dîdarê da seredana Herêma Kurdistanê kirîye.
Di Dîdara Silêmanîyê da yê meseleyên sîyasî li Herêma Kurdistanê, Iraq, Rojhilata Navîn û Afrîqayê bên hilkolandin.
Dîdara Silêmanîyê ji hêla “Ramangeha Lêkolînên Herêmî û Navneteweyî” (IRIS) va tê lidarxistin.
