Daxûyanîya Konseya Hevahengîyê ya Berxwedana Iraqê derbara êrişa ser Kormorê da
Konseya Hevahengîyê ya Berxwedana Iraqê bi daxûyanîyekê himber idiayên têkildarî desthebûna Komên Berxwddêr di êrişa ser meydana gazê ya Kormorê da bertek nîşan da.
Di vê daxûyanîya Konseya Hevahengîyê ya Berxwedana Iraqê de tawanbarkirina komên berxwedêr bi desthebûna di vê êrişê da ji hêla hin medyayan va, bêbingeh hatîye zanîn û ev tawanbarkirina pêngaveke alîyên bixerez hatîye zanîn ku li gorî gotina vê konseyê, hewil didin rastîyên meydanî û bingeh u hegera pevçûnên herêmî veşêrin. Komên Berxwdêr ên iraqî herwiha pêgirî kirine ku armancên sivîl ti dema di lîsteya armancên vê komê da cî negirtine û bera çeka di destê komên hanê da tenê ber bi hêzên dagirker va bûye ne binesazîyên aborî yên welêt. Konseya Hevahengîyê ya Berxwedana Iraqê di dewamê da ragihand ku amade ye di demajoya lêkolînên têkildarî êrişên vê dawîyê da, nemaze di êrişên ser binesazî û çavkanîyên netewî da, beşdar be. Di vê daxûyanîyê da herwiha hatîye ku Bereya Berxwedanê ya Iraqê berî vîya jî ragihandibû ku ji bo hevkarîya di warê xurtkirina mertalên berevanîya hewayî yên welêt u parastina esmanê Iraqê da amade ye.
