SAHAR

Çavkaniyên iraqî derbarê meşa garda sînorî ya vî welatî li sînorên vî welatî bi Sûriyê re agahî dan.

Kanalên televîzyonê yên xwecihî yên Iraqê ragihandin ku hêzên garda sînorî ya Iraqê  li sînorên hevpar bi Sûriyê re, li cihê ku terorîstên DAIŞê di nîvê sala 2014an de ji parêzgeha Dêrezorê ya Sûriyê êrişî Iraqê kirin û roja din ser Mûsil, Tikrît û beşên berfireh ên bakur û rojavayê Iraqê dagir kirin, meşa leşkerî li dar xistin. Li gorî gotina rayedarên leşkerî yên Iraqê, 300 wesayîtên zirxî û bi sedan leşker beşdarî vê meşê bûn. Ji aliyê din ve, hêzên HSD  jî ji rêya parêzgeha Neynewayê li bakurê Iraqê kontrola rexê din ê cihê ku DAIŞ derbasî wê bibû, girtine destê xwe.Serleşker Yasir Husêyn  yek ji fermandên garda sînorî ya Iraqê jî ragihand ku ev perwerde bona ceribandina amadetiya leşkerî tê kirin  û rêxistin di vê beşê de pir pabend e û moraleke baş heye .Hêzên Garda sînorî ya Iraqê  teknolojiya pêşkeftî ji bo çavdêriya   ser sînorê navneteweyî bi Sûriyê re bi dest xistine. Yekîneyên artêşa Iraqê û Hêzên garda sînorî ya Iraqê  ser sînorê nêzîkî 620 kîlometreyî navbera Iraq û Sûriyê  li kêleka komên çekdar ên Heşda Şeibî hatien bicihkirin. Mihemed Ebasî Wezîrê Berevaniyê yê Iraqê jî  tekez kir ku hêzên Iraqî ji ber rewşa hestyar a Sûriyê,  li halê pêkanîna operasyonan  jibo xurtkirin û jordebirina asta şiyanên leşkerî û amûrên çavdêriyê li ser sînoran in. Wî her wiha tekez kir ku hêzên Iraqî  li sînoran in ku  dîwarê ewlehiyê li ser sînoran xurt bikin, ji wan danîna  kamêreyan û kolandina xendeqên kûr li ser wê.   Wî her wiha got:  Rewşa aloz li Sûriyê jibo Iraqê dilnigeranker e ji ber vê yekê operasyonên xurtkirinê berdewam dikin.Hilbijartina cihekî ji axa Sûriyê ku DAIŞê ji wir êrişî Iraqê kiribû ji bo organîzekirina meşê peyamek ji bo terorîzmê ye.Seid Hedîsî karzanê ewlehiyê yê Iraqî got ku  Iraqê vê dawiyê budceya ji bo hêzên ku li ser sînorên bi Sûriyê re bicîh bûne zêde kiriye da ku li ber  pirsgirêkên ku ji ber ketina bermahiyên DAIŞê ji axa Sûriyeyê an torên qaçaxa  madên narkotîkê û pirsgirêkên din derdikevin raweste.Wî got: nakokiyên di navbera Hêzên Demokratîk  ên Sûriyê û hikûmeta Sûriyê li Şamê  mijara hevahengiya  ji bo hêzên Iraqî  pêwîst kiriye. Wî ev meş wekî peyama piştrastkirina Iraqiyan derbarê dubarenebûna  senaryoya 2014an  bi nav kir.