Çarçoveya Hevahengiyê: Divê di zûtirîn dem de hêzên amerîkî ji Iraqê bên derxistin
Çarçoveya Hevahengiya Şîeyên Iraqê, bertek nîşanî vê yekê da ku Amerîkayê sibeha Şemiya buhurî rê daye Rejîma Siyonîst ku qada hewayî yê Iraqê binpê bike û êrişî Îranê bike.
Elî Fetlawî, serokê Çarçeoveya Hevahengiya Iraqê got: Qada hewayî ya vî welatî bi rêya hevpeymaniya qaşo navnetewî hîn jî di bin kontrola hêzên dagîrkir ên Amerîkayê de ye û ew in ku rê dane Rejîma Siyonîst derbasî esmanê Iraqê bibe û êrişî Îranê bike. Ev kiryar berovajî nihêrîna Iraqê û Qanûna Bingehîn a Iraqê ye ku tê de hatiye ku Iraq bi ti awayî nikare bibe qadek ji bo êrişkirina ser welatên cîran û navçeyê.
Wî herwiha got: Axiftin û şermezarkirin dê tiştekî nû bi xwe re neyîne û serwerî, ewlehî û aramiya Iraqê naparêze, lewra karê ku Amerîkayê bi vê kiryarê kir, moralek e ji bo bilezkirina gotûbêjên ji bo bidawîkirina pêispartiya hevpeymaniya navnetewî û derxistina bi tevahî ya hêzên amerîkî ji bo ku qada xwe ya hewayî kontrol bike û pêşiya her cure binpêkirina wê bigire. Karê ku em ê bikin ev e û çarçoweya Hevahengiyê piştgirî dide kiryarên hikûmeta Bexdayê ji bo şermezarkirina vê binpêkirina mezin û metirsîdar a serweriya Iraqê ji aliyê Rejîma Siyonîst ve.
