El-Sudanî daxwaza rawestandina çalakiyên "UNAMI" li Iraqê kir
Serokwezîrê Iraqê di nameyekê de ji Sekreterê Giştî yê NY re daxwaz kir ku erkdariya şanda alîkariyê ya NYji bo Iraqê di Kanûna 2025an de bidawî were.
Muhemed Şiya El-Sudanî Serokwezîrê Iraqê di nameyekê de ji Antonyo Gotêrêş Sekreterê Giştî yê NY re xwest ku erkdariya şanda alîkariyê Alîkariya NY ya ji bo Iraqê (UNAMI) bi dawî bibe.
Sûdanî di vê nameyê de daxwaza bidawîkirina tam û tekûz a erkê wê rêxistinê di dawiya sala 2025an de kiriye û tekez kiriye, ku êdî ti sedemeke jibo hebûna wê li Iraqê nemaye.Wî balkişand li ser wê yekê ku nûneratiya alîkariyê ya NY (UNAMI) curekî hevkariyên dualî di navbera Iraq û NY de ye, ku divê li ser bingeha rawêjkariya dualî û rêzgirtina ji serweriya Iraqê be û hewldanên vê rêxistinê di dema mayî de divê tenê li ser dozên reforma aborî pêşkêşkirina xizmerguzariyan, geşatiya mayînde, guhertinên av û hewayê û berûlayên din ên geşatiyê be.
