Vekirina dosiyeke nû li dijî hejmarek ji berpirsên herêma Kurdistana Iraqê li dadgeha Amerîkayê
Sindoqa Qurbaniyên Herêma Kurdistana Iraqê dosyeyeke nû ya yasayî li dadgeha federal a Washingtonê dijî Mesrûr Barazanî serokê hikûmeta Herêma Kurdistana Iraqê û hejmarek ji endamên malbata Barzanî û berpirsên pilebilind ên Herêma Kurdistana Iraqê vekir.
Ev dosiye ji 322 rûpelan pêk tê.
Yên ku doz vekirine, tawanbaran bi tawanên mîna berpirsiyariya komkujiya êzîdiyan bi destê DAIŞê, hevkariya bi rêxistinên terorîst, kuştin û şikencekirina xelkê heta amerîkiyan, revandin û bêserûşûnkirina mirovan û şûştina pereyan û bikaranîna rêbazên sextekarî xwe firredana jhi dayîna sermalê ji bo hikûmeta Amerîkayê, xisarkirina pere û alîkariyên Amerîkayê bo Herêma Kurdistanê, qaçaxa madeyên hişber, elkol û vexwrainên elkolî, bazirganiya çekan, xapandin û firotina madeyên hişber û cigareyê,çalakiyên neqanûnî yên mîna sondxwarian bi derew, astengîderxistian ser riya xebatên beşa dadweriyê, diziya lêzanînan ji riya kopiyoterê, sextekariya koçberiyê, tepeserkirina azadiyê, girtin û êşandina girtiyan û şikandina alavên rojnamevanan tawanbar kirin.Serokê Sindoqa Qurbaniyên Herêma Kurdistana Iraqê Stîfên Mark di dosiya xwe de ragihand ku wan daxwaza dayîna xisareta 9 milyar dolar ji bo kesên ku ji aliyê tawanbaran ve hatine îşkencekirin û ziyan dîtine, kirine.
Dadgeha Federal a Waşîngtonê jî derbarê vê dosyê de hikûmeta Herêma Kurdistana Iraqê agahdar kiriye ku divê bersiva dadgehê bidin, neku dadgeh dê li dijî wan biryarê bide.
