Êrîşa ser baregeha Amerîkayê li Eynul-Eseda Iraqê
Berxwedana Îslamî ya Iraqê ragihand ku wek berteka li hemberî cinayeta dijî filistîniyan li Xezeyê baregeha leşkerên Amerîkayê li Eynul-Eseda Iraqê daye ber êrîşê.
Li gorî rapora Kanala Saberin News'ê li Telegramê, ev êrîş berbanga Îniyê bi avêtina xwefirrê pêk hatiye. Li gorî vê raporê dûkel ji baregeha Eynul-esedê rabûye asimên. Hîn ji kuştî û zirarên îhtimalî yên van êrîş û teqînan ti raporek derneketiye.
Di rojên raborî da, baregehên leşkerî yên Amerîkayê li Iraq û Sûriyê çend caran ketine ber êrîşên bi xwefirr, roket û mûşekan ên ji aliyê Berxwedana Îslamî ya Iraqê va. Berxwedana Îslamî ya Iraqê bi dû cinayet û êrîşên hovane yên Rejîma Îsraîlê dijî gelê mezlûm ê Filistînê nemaze Xezeyê û piştevaniya Waşîngtonê ji van êrîşan, Amerîka hişyar kiribû ku baregehên wî welatî dê bide ber êrîşê.
