Serokomarê Iraqê daxwaza gotûbêjên kêrhatî ji bo aramkirina rewşa Kerkûkê kir
Serokomarê Iraqê gotûbêj kêrhatî navbera komên curbicur yên Kerkûkê ji bo çareserkirina kêşeyên li Kerkûkê, pêwîstî zanî û got ku parastina aramiya vî bajarê Iraqê, parastina destkevtên hemû çîn û qatên gelên Iraqê ye.
Ebdulletîf Reşîd, Serokomarê Iraqê got ku em bi dilnîgeraniî alûgurên parêzgeha Kerkûkê dişopînin.
Wî got : Em hertim teqezî li ser giringiya pêkînana aştîyê li seranserê welat dikin, lewma daxwazê ji hemû alîyên peywendîdar li Kerkûkê dikin, xwe ji her cure gef û zordariyê dûr bixin.
Serokomarê Iraqê bal kişand ser vê yekê ku Kerkûk sembola biratiya Iraqê û cihê kombûna hemû pêkhateyan bûye û niha jî hema wisa ye û got, emê rê nedin derbe li rûmeta wê bikeve.
Serokomarê Iraqê daxwaz ji hikûmeta federal û hêzên ewlehiyê kir ku bi micidî ji bo kontrolkirina rewşa bajêr û kontrolkirina ewlehî û serweriya qanûnê û dabînkirina aştiyeke dadmendane bikevin dewrê.
Wî her wiha daxwaz ji hemû aliyên siyasî, civakî û neteweyî kir ku ji bo parastina aramiya Kerkûkê û welatiyan rola xwe cih bînin.
Tevgera Esaîb Ehlê Heq a Iraqê jî daxwaz ji hemû aliyên Iraqî kir ku dev ji gotin û kiryarên ku qeyrana parêzgeha Kerkûkê gurrtir dikin, berdin.
Tevgera Esaib Ehlê Heq di daxûyaniyekê de ragihand ku ji bo aramî û girtina pêşiya xwînrêjiyê û parastina jiyana welatiyên ji hemû pêkhate û neteweyan li parêzgeha Kerkûkê û çareserkirina kêşeyan bi rêyên aştiyane qanûnî, em hemû aliyan dixwezin ku dev ji gotin û kiryarên ku aloziyan li parêzgeha Kerkûkê belav dikin, berdin.
