Iraq: Em mazûvanê 260 hezar welatî û awareyên sûrî ne
Wezîrê Karên Derve yê Iraqê got: Welatê wî mazûvanê 260 hezar welatî û awareyên sûrî ye.
Fuad Huseyn Wezîrê karên derve yê Iraqê duh di heftemîn konferansa Brukselê de got: Ji ber bela û ziyanên însanî ku welatiyên sûrî tamul kirine, Iraqê deriyên xwe bo mazûvaniya awareyên ku ji ber pevçûnan revîne, vekiriye û Herêma Kurdistana Iraqê mazûvanê nêzîkî 260 hezar sûriyan e.
Iraqê her wiha bo zêde ji sedî 35 ê van awareyên sûrî ku li kampên penaberan dijîn, rewşa û debara guncaw û alîkariyên pêwîst bo dabînkirina hewxetiyên xwarinê û yên din, derman û perwerdeyê dabîn kiriye ku eva bi hewahengî û hevkariya Komîsyaryaya Bilind a Penaberana NY û bernameya cîhanî ya xwarekê cih hatiye.
Fuad Huseyn bal kişand ser alûgurên welatên ereb û Sûriyê û biryara Komkara Ereban bo vegeryana Şamê nav vê komkarê û diyar kir: Iraq yekim welat bû ku daxwaza vegeryana Sûriyê nav Komkara Ereban wek beşek ji siyaseta çareserkirina qeyrana Sûriyê kir û divê hemî aliyên sûrî li dora maseya gotûbêjê rûnin û micidbûna xwe bo bidestxistina rêçareya siyasî bo çarserkirina qeyrana Sûriyê nîşan bidin ji ber ku eva tenha riyek e ku dibe baîs qeyran bi dawî bibe û ewlehî vegere û rewşa bi avedankirina navçeyên ziyandîtî xweş bibe ku awareyên sûrî bi awayekî xwebexş vegerin welatê xwe.
