Rayedarê iraqî: kampa El-Holê mîna bombeyeke sietê ye
Rawêjkarê Ewlehiya Neteweyî ya Iraqê, rewşa kampa El-Holê li Sûriyê mîna bombeyeke sietê bi nav kir.
Qasim El-Erecî, Rawêjkarê Ewlehiya Neteweyî ya Iraqê di civîneke rojnamevaniyê tev Cênîn Palsxart, Şandiya taybet a NY di karûbarên vî welatî li Bexdayê, bal kişand ser pirsgirêkên kampa El-Holê û hebûna hejmareke zêde ji welatiyên iraqî li vê kampê û destnîşan kir: Divê hemî hewldanên bo çareserkirina pirsgirêkên vê kampê bên berfirekirin.
El-Erecî bal kişand ser vê yekê ku koma terorîst ya DAIŞê, ne meseleyeke navxweyî û taybetî welatê Iraqê ye û teqez kir: Hebûna terorîstan li her derekî, gefek dijî hemî welatan tê hesabê û divê civaka cîhanî bi awayekî hevdeng rawestana li himber terorîstan û paşmayiyên DAIŞê bidomînin.
Rawêjkarê Ewlehiya Neteweyî ya Iraqê her wiha got: Em hemî ser vê bawerê ne ku zarokên bêguneh goriyê bûyeran in û hebûna zarokan li kampên mîna El-Holê dibe sedema kîn û nefret û nezanî û cinayet û terorîzmê di pêşerojê e.
