Erdogan, Serokkomarê Iraqê vexwend ku serdana Tirkiyê bike
Balyozê Tirkiyê li Bexdayê ragihand ku Erdogan, Serokkomarê Iraqê vexwend da ku serdana Tirkiyê bike
Ebdulletîf Cemal Reşîd, Serokkomarê Iraqê duh mazûvanê Elîriza Gunay, Balyozê Tirkiyê li Bexdayê bû. Balyozê Tirkiyê di destpêka vê hevdîtinê de, peyama nivîskî ya Receb Teyîb Erdogan, Serokkomarê Tirkiyê radestî hevpîşe wî yê iraqî kir.
Di peyama, Serokkomarê Tirkiyê de ser peywendiyên dualî û daxwaza xurtkirina hewahengî û hevkariya navbera her du welatan li gor berjewendiyên hevpar û parastina rêz û hurmeta dualî bo piştgiriya ji aşitî û aramiya navçeyê hatiye teqezkirin.
Di nameya Erdogan de her wiha zêdekirina peywendiyên dualî di hemî astan de bo xurtkirina peywendyên dualî girîng hatiye zanîn û di vê çarçoveyê de Serokkomarê Iraqê hatiye vexwendin ku serdana Tirkiyê bike.
