SAHAR

Navenda Ragihandinê ya Ewlehiya Kerkûkê ragihand komeke çeteyên DAIŞ’ê ku ji sê çeteyan pêk dihat girtine. Navenda Ragihandinê ya Ewlehiya Kerkûkê diyar kir van çeteyan xwe amade dikirin ku kiryarên terorê li dijî hêzên ewlehiyê pêk bînin.

Li gorî nûçeya Rojnews'ê, Navenda Ragihandinê ya Ewlehiya Kerkûkê di daxuyaniyekê de ragihand tîmên rêveberiya îstixbarat û asayîşa Kerkûkê komeke metirsîdar a çeteyên DAIŞ’ê ku ji sê çeteyan pêk dihat girtine.

Di daxuyaniyê de hat gotin her sê çete li gor madeya 4an a qanûna têkoşîna li dijî terorê hatine girtin.

Di demên dawiyê de tevgera çeteyên DAIŞ’ê li sînorê parêzgeha Kerkûkê zêde bûye û gelek caran êrişî hêzên ewlehiyê dikin.