Civîna Balyozê Îranê li Bexdayê û Serokomarê nû yê Iraqê
Balyozê Îranê li Bexdayê û serokomarê nû yê Iraqê hevdîtin û gotûbêj kirin.
Li gorî rapora ajansa nûçan a Fars`ê, Sefîrê Îranê li Bexdayê Mihemed Kazim Alê Sadiq û serokomarê nû yê Iraqê Ebdulletîf Reşîd îro Yekşemê li ser mijarên balkêş gotûbêj kirin.
Di meha Cotmehê de, piştî salek û sê rojan bi ser hilbijartinên parlemana Iraqê re û tevî nakokiyên dirêj di navbera her du partiyên sereke yên Kurdistanê de, dawî li civîna hilbijartina serokomarê nû yê vî welatî li parlemanê hat û piştî hejmartina hemû dengên ku li parlemana Iraqê bi dest xistine. Di gera duyem a dengdana Parlemana Iraqê de, Ebdulletîf Reşîd karî 162 dengan bi dest bixe û Berhem Salih bi 99 dengan ji qadê derket.
Ebdulletîf Reşîd yekser piştî hilbijartina xwe, “Mihemed Şîa El-Sudanî” berbijarê fraksiyona mezin a parlemanê bo serokwezîrtiyê ji bo pêkanîna kabîneya nû ya Iraqê wezîfedar kir.
Seyd Îbrahîm Reîsî, serokê Komara Îslamî ya Îranê, piştî bijartina Ebdulletîf Reşîd wek serokomarê nû yê Iraqê, bi şandina peyamekê ev hilbijartin li hikûmet û miletê Iraqê pîroz kir û hêvî xwest ku hikûmeta nû ya vî welatî, gavên bilind ber bi pêşketin û geşbûna Iraqê û peywendiyên berfire yên Tehran û Bexdayê biavêje.
