Rola Bexdayê di danûstandinên navçeyî; Mihwera gotûbêjên Kazimî û Bin Selman
Mihwera gotûbêjên serokwezîrê Iraqê di serdana wî ya Erebstanê di gel welîehdê Siûdî, vekolandina danûstandinên navçeyî û dualî bûye.
Mistefa Kazimî serokwezîrê Iraqê êvara Şemiyê derbasî Riyaza paytexta Erebistanê bû û ji aliyê Muhemed Bin Selman welîehdê Siûdî va hat pêşwazîkirin.
Li gorî rapora ajansa Wa'yê ya Iraqê, Kazimî derbarê peywendiyên dualî û hevkariyên aborî axivîn. Her wiha serokwezîrê Iraqê û welîehdê Siûdî li ser rola berbiçav a Bexdayê di nêzikkirina nêrînan li navçeyê tekez kirin.
Ofîsa medyayî ya serokwezîrê Iraqê bi daxuyaniyekê derbarê hevdîtina Kazimî û Bin Selmanî nivîsî: Di vê hevdîtinê da peywendiyên dualî û girîngiya berfirehkirina bi awayekî ku berjewendiyên gelê du welatên bira were dabînkirin hatin vekolandin; Du aliyan her wiha derbarê hin mijarên navçeyî û navneteweyî û hewildanên ji bo xurtkirina aştî û aramiyê li navçeyê gotûbêj kir.
Di vê daxuyaniyê da hatiye, Bin Selman û Kazimî di vê hevdîtinê da tekezî li ser yekparçetiya aborî û hevkariyên navçeyî bi awayekî ku bibe sebeba geşepêdana mayînde li navçeyê û xurtkirina hewildanên dualî ji bo têkoşîna dijî qeyranên navçeyî, kir.
Li gorî vê daxuyaniyê, Du aliyan tekezî li ser rola berbiçav a Iraqê di nêzikkirina nêrînên navçeyê û pêşdabirina hewildanên aramker û gotûbêjên avaker kir.
