Bahoza toz û xubarê li Iraqê belav bû
May 16, 2022 16:15 Asia/Tehran
Pêla berfireh a tep û toz û bahoza xubarê rengê asimanê Bexdayê veguherandiye rengê kelpêçan û asta dîtinê bi awayekî kêmdîtî kêm bûye.
Bahoza giran hevrê di gel ba, tep û tozê, asimanê Bexdaya paytexta Iraqê û çend parêzgehên din ji wan Samera, Enbar, Necef, Kerbela û Musenayê tijî pirtikên axê kiriye.
Li gorî pêşbîniya rêxistina Hewanasiyê ya Iraqê, tep û toz li navçeya Terîbîla ser sînorê Urdinê rabûye û dê heta berêvara Duşemiyê were domandin û piraniya navçeyên Iraqê dê bigire ber xwe.
Di vê raporê da hatiye, bahoza axê li Dêrazora Sûriyê jî veguheriye bahoza qûmê û çend kes ji ber fetisînê mirine.
Îhtimal heye geştên asimanî li Iraqê ji bo astengiya zêde ya dîtina rasterast bên betalkirin.
