Serokê Parlimana Iraqê dê roja Yekşemiyê serdana Tehranê bike
Ofîsa Serokê Parlimana Iraqê ragihand ku Serokê Parlimana Iraqê dê roja Yekşemiyê di serê taximeke nûnerên parlimana vî welatî serdana Tehranê bike.
Ofîsa ragihandinê ya Serokê Parlimana Iraqê êvara Îniyê bi daxuyaniyekê ragihand: Muhemed Helbûsî li ser vexwendina Muhemed Baqir Qalîbax, Serokê Meclîsa Şêwraya Îslamî ya Îranê dê serdana Tehranê bike.
Li gorî vê daxuyaniyê, Serokê Parlimana Iraqê di vê serdanê da wê di gel Seyid Îbrahîm Reyîsî, serokê Komara Îslamî ya Îranê û hinekên din ji berpirsên Îranê bicive.
Ev serdan di halekî da dê pêk were ku civîna roja Şemiyê ya parlimana Iraqê ji bo hilbijartina serokkomarê vî welatî ji ber beşdarnebûna 127 nûneran û tenê beşdarbûna 202 nûneran nehat lidarxistin û bo roja Çarşemiya hefteya din hat bipaşdaxistin.
