Li gundê Herdan ê Şengalê gorên komî tên vekirin
Sibat 22, 2022 19:16 Asia/Tehran
Îro li Şengalê 7 gorên komî yên qurbaniyên êrişên çeteyên DAIŞ`ê yên li ser gundê Herdan dê werin vekirin.
Li gorî nûçeya Hawar Newsê (ANHA), Beriya 7 salan, li Şengalê di êrişa çeteyên DAIŞ`ê de bi hezaran êzidî hatin qetilkirin. Bi dehan gorên komî hatin dîtin û heta niha nasnameyên gelek qurbaniyan ne diyar in.
Dê test ji terman re bên çêkirin da ku nasnameyên wan bên zanîn. Paşê dê li gorî urf û adetên êzidiyan dîsa werin veşartin.
Li gundê Herdanê bi beşdariya Baba Şêx Elî Şêx Îlyas, gelek oldarên din û şêniyên gund merasîmê dest pê kir.
Li gorî daneyên fermî, heta niha 27 gor li deverên cuda yên Şengalê hatine dîtin.
