Bexda û Şam têkildarî vekirina deriyên sînor axivîn
Bexda û Şam têkildarî vekirina deriyên sînor axivîn. Piştî konferansa 32’yemîn a Yekitiya Parlamenta Ereb, Serokê Parlamenta Iraqê Mihemed El-Helbûsî, cîgirê serokê parlamenta Sûriyê Mihemed Ekrem El-Eclanî, pêşwaz kir. Her duyan li ser vekirina deriyên sînor di navbera her du welatan de gotûbêj kir.
Nivîsgeha Ragihandinê ya serokê parlamenta Iraqê bi daxuyaniyekê got: "Her du aliyan rewşên giştî û têkiliyên dualî yên her du welatan, hevkariya parlamentê bi rêya aktîfkirina dîplomasiya parlamentê ji bo mijarên xwedî girîngiyeke hevbeş nîqaş kirin. Da ku berjewendiya her du gelên Iraq û Sûriyê pêk bîne û Iraqê destekê dide ewlehî û îstîqrara Sûriyê."
Di daxuyaniyê de hate gotin ku her du aliyan hevkariya vekirina deriyên sînor di navbera her du welatan de, destpêkirina gavên pratîkî û rakirina astengiyên di navbera her du aliyan de û vekirina jinûve ya deriyên sînor hilkolandin.
