Bangewazî ji bo xwenîşandana li Bexdayê lidijî bijartina Helbûsî
Çalakên siyasî li Iraqê daxwaza lidarxistina xwenîşandaneke berfireh bi nîşana nerazîtiya li hemberî bijartina dubare ya Serokê Hevpeymaniya Teqedumê wek Serokê Parlimana Iraqê kir.
Li gorî rapora roja Duşemiyê ya ajansa Melûmeyê, Zerxam Macid çalakê siyasî yê Iraqê got: Ey zarên sozdar ên Iraqê, ez we vedixwînim ku xwenîşandana seranserî ya ji bo mehkûmkirina Xiyaneta zêdetir a nûnerên parlimana nû ji bo bijartina dubare ya Muhemed Helbûsî wek serokê Parlimanê li dar bixin.
Macid her wiha got: Xiyanet û gendeliya mezin a Helbûsî di civîna pêş da îsbat kir ku ew xayîn û xerabkarekî mezin e.
Muhemed Helbûsî bi wergirtina 200 dengên Erê bo cara duyem wek serokê Parlimana Iraqê di dora nû ya hat bijartin.
Parlimana pêncem a Iraqê berêvara roja Yekşemiyê bi lidarxistina yekemîn civîna xwe ya fermî, xebata xwe dest pê kir û Mumemed El-Meşhedanê serokatiya temenî ya parlimanî girte ustiyê xwe.
