Bexda - Nîv qirn e ku bi çerman çente, cizdan û qayîşan çêdike
Li Bexdaya paytextê Iraqê Ebdulnasir Ehmed 48 sal in çermvaniyê dike û nahêle pîşeyê wî were jibîrkirin.
Li gorî nûçeya Ajansa Anatoliyê, Ebdulnasir Ehmed li taxeke kevin a Bexdayê 48 sal e pîşeyê bavê xwe didomîne. Ehmed diyar kir, ev pîşe ji kalikan derbasî bavê wî bûye û 48 sal e jî ew didomîne.
Ehmed daxuyand ku ew naxwaze bibe wêrisê dawîn ê vî pîşeyî û ji bo vê jî ew fêrî zarokên xwe dike.
Ehmed daxuyand, her çend teknolojî pêş ketibe û îtxalat zêde bûbe jî ew çêkirina çente, qayîş, cizdan û aksesuaran didomînin û wiha dewam kir:
"Pêşketina teknolojiyê û zêdebûna îtxalatê tesîreke neyînî li ser pîşeyê me kir. Digel vê me pîşeyê bav û kalan meşand. Em hunerê tevî vî pîşeyî dikin û bi sêwirandinên nû reng didinê."
Ehmed daxuyand ku ew li ber destê bavê xwe hînî vî pîşeyî bû û ji salên 70yî vir va ew çermvaniyê dike, lê piştî sal û wextan zêde kes bi pîşeyê wan ra eleqedar nabe û pîşe ji piştgiriya dewletê mehrûm maye.
Ehmed daxuyand, hosteyê vî karî zêde tunene û ji ber vê jî ew zarokên xwe perwerde dike.
