Duyemîn baregeha Iraqê ji leşkerên amerîkî hat vakirin
Fermandetiya operasiyona hevpar a Iraqê qala valakirina duyemîn baregeha leşkerî ya vî welatî ji leşkerên amerîkî kir.
Tehsîn Xefacî, Berdevkê Fermandetiya operasiyona hevpar a Iraqê ragihand ku baregeha Herîra Hewlêrê ji hêzên leşkerî yên ser bi Hevpeymaniya amerîkî hat valakirin.
Xefacî her wiha got: Derketina hêzên leşkerî yên hevpeymaniya navneteweyî ji Iraqê bê pirsgirêk pêk hat û yên mayî hejmareke şêwirmend in.
Li gorî gotina Xefacî, ev şêwirmend dê li du baregehên Eyn El-Esed û Herîrê bimînin û hêzên iraqî jî radestkirina kampên Hevpeymaniya amerîkî ji destpêka îsal va dest pê kiriye.
Şeva borî jî hêzên amerîkî baregeha asimanî ya Eyn El-Esedê li parêzgeha Enbarê ya rojavaya Iraqê radestî hêzên artêşa vî welatî kir.
Roja 26ê Tîrmeha borî Bexda û Waşîngtonê derbarê derketina leşkerên amerîkî ji Irqê heta dawiya 2021ê li hev kir.
