McGurk û Berhem Salih civiyan
Kanûn 13, 2021 16:40 Asia/Tehran
Nûnerê Amerîka bo Rojhilata Navîn û Bakurê Efrîqayê Brett McGurk bi şandeyekê re, duh serdana Bexdayê kir û bi Serokomarê Iraqê Berhem Salih re civiya.
Piştî civînê, Ofîsa Serokomariya Iraqê derbarê naveroka civînê de daxuyaniyek belav kir û di daxuyaniyê de eşkere kir: “Di civînê de li ser xurtkirina pêwendiyên her du welatan, hat gotûbêj kirin. Herwiha behsa bidawîbûna erka hêzên hevpeyman ya li Iraqê û bihêzkirina hêzên ewlehiyê yên Iraqê hatiye kirin.”
9ê Kanûnê erka leşkerî ya hêzên Amerîkayê li Iraqê bi dawî bû. Lê belê fermandariya hêzên navendî tekez kir, wê 2 hezar û 500 leşkerên Amerîkî li Iraqê ji bo şêwirkarî û perwerdehiyê bimînin.
