Bombeyek li Kerkûkê teqiya û çend kes birîndar bûn
Kanûn 05, 2021 10:09 Asia/Tehran
Bombeyek li bajarê Kerkûkê teqiya û di encamê de hejmarek welatî birîndar bûn.
Peyamnêrê K24ê li Kerkûkê got, bombeyek li taxa Xirnata li nêzîkî westgeha benzîna Bakur ku cihekî giştî û qerebalix e teqiya.
Li gor ragihandina peyamnêrê K24, bombe di nava tankerekê de hatibû danîn û di encama teqînê de, hejmarek welatî birîndar bûn û ziyan gihîşt xanî û dukanên derdorê.
Hat ragihandin ku rêveberiya polîsê Kerkûkê derbarê wê teqînê de dest bi lêkolînê kiriye.
