Hevpeymaniya Fetih li Iraqê: Amerîka ti sozên xwe bi cih nayne
Endamekî hevpeymaniya Fetih li Iraqê tekez kir ku dagîrkerên Amerîkî bi ti sozên xwe nagerin û tenê hincetan çêdikin ku heta ku dibe bila bibe li Iraqê bimînin.
Li gorî televîzyona El-Îticah, Elî Fetlawî, endamê hevpeymaniya Fetih, roja Yekşemê got ku Amerîka hewl dide dirêjkirina hebûna xwe li Iraqê rewa bike daku bikaribe salên din li wî welatî bimîne.
El-Fetlawî bang li hikûmeta Iraqê kir ku rê li ber binpêkirina soz û kiryarên provokatîf ên hêzên biyanî, di nav de hêzên Tirkiyê, ku deverên berfireh li bakurê Iraqê dagîr kirine, dûr bigire.
Endamê hevpeymaniya El Fetih a Iraqê her wiha daxwaz ji ketîbeyên berxwedana çekdar ên vî welatî jî kir ku ji bo derxistina dagirkeran ji welatê xwe amade bin, da ku eger pêwîst be ji bo cîbicîkirina yasaya derxistina welatên biyanî ji Iraqê ku parlemana Iraqê ew pejirandiye, dest bikar bibin.
Gelek kes û girûpên Iraqî daxwaza derketina hêzên terorîst ên Amerîkayê ji Iraqê dikin û parlamenta Iraqê jî plana vekişandina van hêzan pesend kir.
