Li Kerkûkê 3 mûşekên Katuyşa hatin dîtin
Îlon 27, 2021 23:36 Asia/Tehran
Polîsa Federal a Iraqê li parêzgeha Kerkûkê dest danî ser 3 mûşekên ji cureya Katyuşa û hejmareke din a çek û teqemeniyan.
Polîsa Federal a Iraqê ragihand, li gundê Ebdulmutelib ê ser bi qezaya Hewîce ve, 3 mûşekên ji cureya Katyuşa (107 mm), 7 guleyên Hawenê hatin dîtin ku çekdarên DAIŞê bi niyaz bûn bi wan êrîşî ser polîs û artêşa Iraqê bikin.
Polîsa Federal a Iraqê herwiha ragihand, polîs bi ser 3 pêgehên çekdarên DAIŞê de girtin û di encamê de dest danî ser hejmarek ji çekên sivik û giran.
Herwiha hat ragihandin ku artêşa Iraqê û Polîsa Federalî dest bi kampînekê li dijî çekdarên DAIŞê li Kerkûkê û derdora wê kirine.
