Serokwezîrê Iraq, ji ber şewatê 3 berpirsên Zîqarê ji kar dûrxistin û lêpirsîn bi wan re tê kirin
Ji ber bûyera şewatê ya li Nasiriye, serokwezîrê Iraqê hejmarek berpirsên parêzgeha Zîqarê ji kar dûrxistin û lêpirsîn bi wan re dê bê kirin.
Derengiya şeva borî 12.07.2021ê agirekî mezin berbû nexwaşxana Îmam Husên a çareser kirina nexwaşên vîrusa koronayê li Nasiriye û ji ber wê zêdetir ji 62 nexwaş şewitîn û jiyana xwe ji dest dan û hejmareke din jî birîndar bûn.
Ofisa serokwezîrê Iraq Mistefa Kazimî di beyanamekê de ragehand: Kazimî ji bo lêkolîn li ser bûyerê bilez pêkbê, li gel hejmarek wezîr û fermandarên ewlehiyê civiya ye.
Li gor heman beyanamê, Kazimî di civînê de çend biryar derxistin ku ew jî waha ne:
- Lêkolîn li ser asta bilind a hikûmetê de li ser bûyerê
- Bilez şandina tîmeke wezaretê bo parêzgeha Zîqar
- Li ser ji kar dûrxistina wan berpirsên navê wan li xwarê destpê kirina lêkolîna li gel wan;
1 – Rêveberê giştî yê tenduristiya Zîqarê
2 – Rêveberê nexwaşxana Îmam Husên.
3 – Rêveberê berevaniya şaristaniya Zîqarê.
- Hemû wezaret erkdarin ji bo gehandina alîkariya bilez bo Zîqarê
- Hesibandina kesên ku di vê bûyerê de jiyana xwe ji dest dane wekî şehîd û ji mirovên wan re mafê kesûkarên şehîdan dayîn.
- Birîndarên ku rewşa wan xirabe şandina derveyî welat.
- Ragehandina 3 roj şîna giştî li Iraqê.
