Civîna Pap Fransîs digel merceyê bilind ê şîeyên Iraqê li Necefê
Pap Fransîs Rêberê Katolîkên Cîhanê li Necefa Iraqê digel ayetullah Elî Sîstanî merceyê bilind ê şîeyan hevdîtin pêk anî.
Li gorî rapora ajansa nûçeyan a Iraqê (WAI), Çavkaniyên iraqî ragihandin ku sibeha îro Şemiyê Pap Fransîs çû cihê mayîna Ayetullah Sîstanî li Necefa eşref û du aliyan li paş deriyên girtî bi qasî saetekê gotûbêj kirin.
Li gorî vê raporê, Tu yek ji keayetiyên siyasî û dewletî yên Iraqê destûr peyda nekirin ku biçin cihê mayîna Ayetullah Sîstanî û beşdarî vê gotûbêjê bibin.,
Li gorî vê raporê, Pap û desteya pê ra piştî terikandina cihê mayîna Ayetullah Sîstanî ber bi bajarê Ûrê li parêzgeha Zîqarê li başûrê Iraqê çûn.
Pap Fransîs îniyê piştî nîvro gihîşte Iraqê û digel rayedarên bilind ji wan Mustefa Kazimî serokwezîr û Berhem Salih Serokomarê Iraqê civiya.
