Papa Francis ber bi Bexdayê ve bi rê ket
Adar 05, 2021 10:54 Asia/Tehran
Papa Francis saet 09.35 bi dema Hewlêrê li Firokexana Fiomicino ya li Romayê ber bi Bexdayê ve bi rê ket û piştî nîvro digihije Firokexana Navdewletî ya Bexdayê.
Papa Francis dê li Firokexana Navdewletî ya Bexdayê bi şêweyekî fermî û di merasîmekê de, ji aliyê Serokwezîrê Iraqê Mistefa Kazimî ve bê pêşwazîkirin û paşê li holeke firokexanê Papa û Kazimî dê civînekê encam bidin.
Piştî kombûna li gel Kazimî, Papa dê berê xwe bide Koşka Serokatiyê li Bexdayê û bi merasîmekê dê ji aliyê Serokomar Berhem Salih ve bê pêşwazîkirin û li nivîsîngeha taybet a Serokomariya Iraqê Berhem Salih û Papa Francis dê bicivin.
