Li parêzgeha Diyala ya Iraqê 2 teqîn pêk hatin, di encamê de kuştî û birîndar çêbûn.

Çavkaniyekî ji hêzên ewlehiyê yên Iraqê ji toreya Al-Sumaria News re ragihand ku îro li navçeya Enbarê ya bakurê rojhilatê Beaqûbeyê mayinek teqiya. Di encamê de jinek hat kuştin û jineke din û ajokarek birîndar bûn.

Heman çavkanî diyar kir ku mayineke din bi hêzên ewlehiyê ve li cihê teqîna yekemîn teqiya û di encamê de sê endamên polîsan birîndar bûn.

Li gorî çavkanî birîndar niha li nexweşxaneyekê têne dermankirin.