Şeva borî li herêma Hemam Elîl ya Mûsilê agirekî mezin li kargeheka sulfurê (gogirdê) ket û agir berdewam dike û ji ber dûkela agir metirsî li ser jiyana hemwelatiyan heye.

Medyaya Iraqê ji ser zarê berpirsên emnî û pizîşkî belav kiriye agirekî mezin li kargeheka sulfurê ketiye û ji ber dûkela agir çend hemwelatî rakirine nexweşxanê.

Herwiha şoferekî otomobîla agirvemirandinê jî ji ber dûkela sulfurê jehrî bûye û can daye. Herwiha parêzgariya Mûsolê daxwaza alîkariya tîmên agir vemirandinê, tendurustiyê û maskeyan li Bexdayê kiriye.

Ligor medyaya xwecihî ya Mûsilê jî agir mezin bûye û heta niha jî nehatiye kontrolkirin. Herwiha daxwaza hawarçûne bo hemû kesî hatiye kirin.

Bi armanca alîkariyê parêzgariya Duhokê û Hewlêrê û çend otomobîlên agirvemirandinê şandin cihê bûyerê.