Duh xwekujekî li bajarê Xaneqînê beriya xwe biteqîne narîncokeka di destê wî da teqiya ku di encamê de 4 kes birîndar bûn.

Çalakvanê Medenî Serwer Elî ji bajarê Xaneqînê ji  BasNewsê ra got: "Duh li gazinoya Çarçira Xaneqînê kesêkî xwekuj xwestiya xwe biteqîne lêbelê beriya xwe biteqîne narîncokeka di destê wî da diteqe û ji ber wê jî 4 kes birîndar bûn.”

Herwiha Serwer Elî got: “Xwekuj hîn sax e û hêzên emnî bombeyên li ser wî pûç kirin.”

Tevî têkçûna koma terorîst a DAIŞê lê belê hîn çiqên veşartî yên vê koma terorîst di nav Iraqê de perate ne û carna ku derfet ji wan re çê dibe dest davêjin kiryarên terorîstî.