Hejmara şehîdên Qezeyê gihişte 3300 kesî
Wezareta Tenduristiyê ya Filistînê hejmara gorriyên êrişên Rejîma Siyonîst ser zîvala Qezeyê 3300 şehîd û 13 hezar birîndar ragihand.
Wezareta Tenduristiyê ya Filistînê îro Çarşemiyê, dawîn amaraên gorriyên destdirêjiyên Rejîma Siyonîst ser zîvala Qezeyê ragihand.
Li gor vê raporê, zêdetirî 3300 filistînî li encama êrişên Rejîma Siyonîst ser zîvala Qezeyê şehîd bûne û 13 hezar kes jî birîndar bûne.
Berdevkê Wezareta Tenduristiyê ya Filistînê derbarê kêmbûna dermanan û kêşeya veguhestina birîndaran bo nexweşxaneyê, rizgarkirina kesên di bin kavilan de mane , agahî da û teqez kir ku qutbûna avê û xirabûna sîstima şêlavê xetera nexweşiyên vegir zêde kiriye.
Wezareta Tenduristiyê ya Filistînê ji rêxistinên navneteweyî xwest ku bona rawestandina êrişên ser Zîvala Qezeyê û rexê rojava çemê Urdinê bi erkên xwe rabin.
Piştî destpêkirina operasiyona Bahoza El-Eqsayê ji aliyê tevgera berxwedanê ya Hemasê li dijî Rejîma Siyonîst di 7`ê Cotmehê de, kabîneya Rejîma dagirkerê Qudsê tevî dorpêçeke giştalî, rê li ber derbaskirina xwarin, derman, , kareba û ardûyî û heta avê bo zîvala Qezeyê girt û fermana destpêkirina êrişên befireh ser vê navçê da û di cinayeta xwe xwe ya herî dawî de, şeva borî nexweşxaneya El-Momedanîda ber êrişan û li gorî amarên fermî herî kêm 500 filistînî şehîd bûn.
