Şehîdbûna 77 filistîniyên din li Xezzeyê / Hejmara şehîdan rabû 52 hezar û 495 kesan
Di berdewamiya êrişên hovane yên siyonîstan ser Zîvala Xezzeyê ji 7ê Cotmeha 2023an ve hetanî niha hejmara şehîdên li vê navçeyê rabû 52 hezar û 495 kesan.
Wezareta Tenduristiyê ya Filistînê li Xezeyê ragihand ku di 48 sietên derbasbûyî de 77 filistîniyên din di encama êrişên artêşa dagirker a siyonîst ser Xezeyê de şehîd bûne û 275 kes jî birîndar bûne.
Li gorî vê raporê, ji dema destpêbûna qonaxa nû ya êrişa ser Xezzeyê ji 18ê Adara 2025an ve, 2 hezar û 396 filistînî şehîd bûne û 6 hezar û 325 kes jî birîndar bûne.
Her wiha Yair Lapid, serokê bereya opozîsyonê ya Rejîma siyonîst, bi tundî rexne li siyaseta kabîneya rejîmê girt û şerê dijî Xezzeyê bêencam da zanîn û berdewamiya wî wekî sedema sereke ya krîza aborî û bihabûnê li deverên dagirkirî zanî.
Serokê bereya opozîsyonê yê Rejîma Siyonîst di hevpeyvînekê de ragihand ku ew ê hemû hewla xwe bide da ku bibe serokwezîr.
Wî her wiha bal kişand ser şerê berdewam li Xezzeyê û got: Ev şer negihîştiye ti encamekê û heta niha çareseriyek rastî jê re nehatiye raberkirin. Tenê sedema ku kabîneya niha bi saya wê ser desthilatê maye, tirsa ji lidarxistina hilbijartina parlimanî ya zûwext e.
